سيتم الانطلاق بداية من تاريخ 10 جانفي 2025، في تصوير مسلسل "الزعيم" الذي يضم 15 حلقة، وهو عمل درامي جديد سيتم بثه خلال شهر رمضان المقبل 2025 على قناة 'تلفزة تي في'.
والمسلسل من إخراج أحمد الأندلسي رفقة حسام الساحلي، وكلاهما يتقاسمان دور البطولة.
كما يضمّ العمل عدة أسماء بارزة على غرار عاطف بن حسين ومريم بن شعبان.
وقد نشر الممثل عاطف بن حسين تدوينة على حسابه الخاص يتحدث من خلالها عن عودته للتمثيل بعد سنوات من الغياب.
وجاء في تدوينته :"
ماعادش عندي برشة كلام على التمثيل و مجال التمثيل... الي نعرفو نقسم فيه مع ناس مغرومة و تعطيني ثيقتها باش تتكون عندي أحسن تكوين ... التمثيل فعل و حركة.. التمثيل لعبة تخفي وراء شخصيات مركبة... التمثيل يا تعرف
و متكون يا شوف حاجة أخرى.... التمثيل هو الصدق...
هذي بداية التحضير لمسلسل "الزعيم"....كيف كلمني أحمد الأندلسي عشيري و خويا الصغير على المسلسل تقريبا شهر
و نصف لتالي،، نتذكر قعدت تقريب ثلاثة دقائق ساكت في التليفون ... حبيت من الاول نبدل الموضوع و بعد قتلو بوحميد أنا عندي خمسة سنين هربت من هالميدان التافه قلي بنبرة صوتو المزيانة ماعندكش الحق تخلي بلاصتك للي ما يستاهلوش.. قلي مانيش فاهم كيفاش بلاد فيها عاطف بن حسين ما يمثلش... عجبني كلامو وانا مازلت مانيش عارف اش باش نقلو....قعد بوحميد يحكي و انا ساكت نسمع و بعد في قرارة نفسي وافقت...".
مضيفا :"
وافقت و انا نحس في روحي بركان باش ينفجر و أحمد الاندلسي حيرو،، حيرو بالذكاء متاعو و بصدقو و بمحبتو ليا.... هو يتكلم و انا تصاور تعدات قدامي...
علاقتي بالكاميرا علاقة غريبة و عجيبة مانيش باش نحكي سرها.... الكاميرا تعرفني و نعرفها.. مئات تعداو قدام الكاميرا و انا نكون فيهم و نعلم فيهم ياقفوا قدامها.. عرفت اسرارها الكل...ايه نعم عرفت اسرارها الكل و انا ممثل و انا مؤطر و انا مدير ممثلين....
قتلو بوحميد أضمنلي رجعة باهية و ما عندي حتى شرط... قلي المسلسل متاعك انا و اياك و حسام الساحلي و مريم بن شعبان و صحابنا الممثلين بالحق....
وافقت ديراكت و بعثلي السيناريو في ليلتها و بديت نقرى....
اتربثت و خفت من الاول و بعد أقسمت القسم الي ديما نبدى بيه أي مشروع...
أقسمت أني نعطي أفضل ما عندي..
أقسمت أني نكون صادق في كل لحظة...
أقسمت أني باش نحلق بالشخصية الي باش نمثلها
أقسمت الي باش نعمل أحسن ما ينجم يتعمل في خدمة الممثل...
و نوعد كل أعضاء الفريق اني باش نكون الممثل خفيف الظل و اني نطاوع كل شخص يفيدني بفكرة كيف العادة....
و نحيي بالمناسبة فريق الانتاج و انا نعرف اش معناها انتاج مسلسل.... بالتوفيق للناس الكل... و لنا عودة للموضوع....".
الفيديو :
إرسال تعليق