رد الإعلامي سمير الوافي على موجة الانتقادات التي وجهت له بعد استضافته لعدد من صناع المحتوى على التيك توك في برنامجه “الوحش برو ماكس”.
وقال الوافي في تدوينة نشرها على صفحته الرسمية بالفيسبوك “”اللغة المضروبة الجديدة هي اللي ينقد .. التيك توك يقولولو ” حاسدهم ” 😅😅😅 بربي باش نحسدهم على الذل والتسول والتقحيف والفلوس المشبوهة والرخص ؟؟؟…على حاجة ننجم نعملها بكاميرا تاليفون ودينار لايت وشوية تذلل وتطييح قدر وتلحيس ودراما وبيعان خصوصياتي !؟؟…على الفضايح والشبهات وفلوس الذل !؟؟؟
أقرا أيضا
و أضاف “”أي واحد ينجم يحل لايف في تيك توك ويعمل ملاين ويستغل مخاخ الصغار…يكفي أنو يبيع كرامتو و همتو وعزة نفسو ويهبط يتذلل ويتسول…ويكفي أنو يقول أي كلام متاع قهاوي والا متاع حمام والا متاع فضايح باش يلم مشاهدات ويولي مشهور…ويكفي أنو يتعامل مع عصابات تبييض أموال باش يربح ملاين كل ليلة من داعمين مجهولين…ويدخلهم لتونس بطريقة مسخة وممنوعة…ويكفي أنو يخدم مع وحدة مافيوزية متورطة قضائيا توة وقاعدة تبحث في تونس بناء على شبهات خطيرة برشة…وبدات ضدها حتى تحقيقات في الخارج…!!!””
وتابع القول “”ما حسدناش اللي عملو فلوس بالموهبة والابداع والكفاءة والجهد والتعب…باش نحسدو ناس تعمل في فلوس بالذل والرخص والتسول والشبهات !؟؟…نحنا خايفين على صغارنا وأولادنا وبناتنا وقيمنا وعايلاتنا…من خطر قاعد يخدع في الصغار ويستغل فيهم ويبيراطيلهم في مخاخهم الهشة…ومازلنا باش نحاربو بالطرق الكل…وقريبا ملفات أخطر على التيك توك !!!
مع إحترامي للناس المحترمين في التيك توك وغيرو…!””
إرسال تعليق